பாரதியாரின் "கேட்பன"

நல்லதோர் வீணை செய்தே - அதை
நலங்கெடப் புழுதியி லெறிவ துண்டோ?
சொல்லடி சிவசத்தி! - எனைச்
சுடர்மிகு மறிவுடன் படைத்து விட்டாய்,
வல்லமை தாராயோ,- ந்த
மாநிலம் பயனுற வாழ்வதற்கே?
சொல்லடி, சிவசத்தி! - நிலச்
சுமையென வாழ்ந்திடப் புரிகுவையோ?

விசையுறு பந்தினைப்போல் - உள்ளம்
வேண்டிய படிசெலும் உடல்கேட்டேன்,
நசையறு மனங்கேட்டேன், - நித்தம்
நவமெனச் சுடர்தரும் உயிர்கேட்டேன்,
தசையினைத் தீசுடினும் - சிவ
சத்தியைப் படுநல் லகங்கேட்டேன்,
அசைவறு மதிகேட்டேன், - வை
அருள்வதில் உனக்கெதுந் தடையுளதோ?